Labing-apat ang nasaktan matapos bumangga ang isang bus sa dalawang bahay sa Ocine Bridge, Brgy. Tigaon sa Camarines Norte, Huwebes ng madaling araw.
Galing Maynila ang Raymund Bus na may plate number WQJ 867 at patungong Partido, Camarines Sur nang maganap ang aksidente, 3:45 ng umaga.
Ayon kay Police Chief Inspector Ariel Blanco ng Tigaon Police Station, dumulas ang gulong ng bus dahil sa basang kalsada kasunod ng magdamag na ulan.
Ibinahagi nina Bayan Patroller Ruel Abajero at El Interino ang mga larawan ng aksidente.
Agad namang dinala sa Tigaon Primary Hospital ang mga nasaktang pasahero na pawang nagtamo ng minor injuries.
Wala namang nasaktan sa mga nakatira sa mga nabanggang bahay.
Source : http://news.abs-cbn.com/news/03/16/17/bus-bumangga-sa-2-bahay-sa-camarines-norte